बुटवल । नेपाल क्रिकेट संघ (क्यान) ले आइसिसी टि२० विश्वकप एसिया क्षेत्र फाइनल छनोटमा भिभिआईपी टिकट मूल्य १० हजार तोकेको छ । क्यानको टिकेटिङ्ग पार्टनर आइएमइ पेबाट टिकट काट्न सकिनेछ । सामान्य टिकट मूल्य दुई सय राखिएको छ ।
भिभिआईपी टिकट काट्नेले नेपालका पूर्वकप्तान तथा क्यानका सचिव पारस खड्कासँग भेट्न पाउनुको साथै खानाको व्यवस्था गरिएको छ ।
विश्वकप छनोटमा नेपालले आज सिंगापुरसँग बिहान ९ बजे टियु मैदानमा खेल्दैछ । नेपालले मंगलबार दिउँसो १ः३० मा मलेसियासँग टियुमा खेल्नेछ । बिहीबार नेपालले बिहान टियुमा नै ओमानसँग खेल्नेछ ।
समूह बी मा हङकङ, कुवेत, युएई र बहराइन छन् । समूह बी का सबै खेल मुलपानी मैदानमा हुनेछन् । विश्वकप छनोटबाट हरेक समूहबाट शीर्ष दुई टोली सेमिफाइनल पुग्नेछन् ।
सेमिफाइनल हुँदै फाइनल पुग्ने दुई टोलीले २०२४ मा अमेरिका र वेस्टइन्डिजमा हुने विश्वकप खेल्न पाउनेछन् । सेमिफाइनल शुक्रबार र फाइनल आइतबार हुनेछ ।
युनिकोड
मिति रूपान्तरण
ग्लोबल आवाज
प्रतिक्रिया