अमेरिकी सामानमाथि चीनको थप कर

जेठ १८,

अमेरिकाले चीन निर्यात हुने थप सामानमा कर वृद्धि गर्ने निर्णयसँगै चीनले ६० अर्ब अमेरिकी डलर बराबरको अमेरिकी सामानमाथि थप कर वृद्धि गर्ने निर्णय आजबाट कार्यान्वयनमा ल्याएको छ ।

चीन–अमेरिका व्यापार विवाद समाधानको सङ्केत आउने अपेक्षा विश्व समुदाय र सम्बन्धित देशका व्यवसायीलेसमेत गरिरहेका समय विवाद थप चर्किने सङ्केत देखा परेको हो । चिनियाँ विदेश मन्त्रालयका प्रवक्ता केओ फेङले विदेशी उद्योग, संगठन तथा व्यक्ति, जसले चिनियाँ बजारको नियमलाई पालना गरेका छैनन्, ती व्यक्ति र संस्थालाई चीनमा गतिविधि सञ्चालन गर्नबाट रोक लगाउनसक्ने गरी निर्णय गर्ने बताएका छन् । ‘प्रमाण विनाको अवस्थामा अमेरिकाले केही चिनियाँ कम्पनीहरूलाई निर्यात नियन्त्रण एकाइ सूचीमा समावेश गराएकोले चीनले जवाफी प्रतिरोध कदम चालेको हो,’ उनले बताए । -एजेन्सी