दोलखामा बस दुर्घटना : २ जनाको मृत्यु,२४ जना घाइते

चैत १,

दोलखा । बस दुर्घटना हुँदा २ जनाको मृत्यु भएको छ । मृत्यु हुनेमा सुर्खेत चौकुने गाउँपालिका–३ का ३८ वर्षीय दिनेश थापा र लमजुङ मर्स्याङ्दी गाउँपालिका–३ का ४४ वर्षीय हीराप्रसाद मिजार रहेका छन् ।  बा ४ ख ४५७३ नम्बरको बस शुक्रबार बिहान ७ः४५ बजे बिगो गाउँपालिका–१, नयाँबाटोमा दुर्घटना हुँदा २४ जना घाइते भएका छन् ।

घाइते २४ जनाको जिल्ला सदरमुकाम चरिकोटका अस्पतालमा उपचार भइरहेको जिल्ला प्रहरी कार्यालय, दोलखाले जनाएको छ । घाइतेमध्ये ४ को अवस्था गम्भीर छ ।