काठमाडौं । कोरोना भाइरसको त्रासले दुई दर्जन भन्दा बढी साप्ताहिक पत्रिका बन्द हुने भएका छन् । शुक्रबार पत्रिकाका सम्पादकहरुले सामूहिक सूचना जारी गरेर कोरोना भाइरस त्रासका कारण उत्पन्न परिस्थितिका कारण पत्रिका बन्द गरेको जानकारी गराएका छन् ।
बन्द हुने पत्रिकामा जनआस्था, दृष्टि, देशान्तर साँघु, बुधबार, तरुण, हाँक, घटना र विचार, जनआह्वान, तामाकोशी, राष्ट्रवाणी, समयवद्ध, मधेशवाणी, जनधारणा, पिपुल्स रिभ्यू, नेपालीपत्रलगायत रहेका छन् ।
यी पत्रिकाका सम्पादकले प्रेस काउन्सिल नेपाललाई पत्र लेखी नियमित प्रकाशन कठिन भएकाले राहतस्वरुप विशेष निर्णय लिइदिन आग्रह गरेका छन् ।
प्रतिक्रिया