बुटवल । नक्कली नोट छाप्ने मेशिनसहित एक जनालाई प्रहरीले नियन्त्रणमा लिएको छ । काठमाडौं महानगरपालिका–६ सरस्वती नगरबाट आइतबार डोल्पाका २९ वर्षीय कार्मा लुप्डुपलाई प्रहरीले नियन्त्रणमा लिएको हो ।
काठमाडौंमा डेरा गरी बस्ने उनलाई नक्कली नोटको कारोबार भइरहेको भन्ने सूचनाको आधारमा प्रहरी प्रभाग
कपनबाट खटिएको टोलीले पक्राउ गरेको हो । उनको कोठाबाट १ हजार दरको २ सय २५ थान नक्कली नोट, नक्कली नोट फोटोकपी गर्ने मेसिन १ थान, डिजिटल तराजु १ थान, नगद २६ हजार ८ सय रूपैयाँ, ल्यापटप १ थान र नोट छाप्न प्रयोग हुने मसिको बट्टा ४ थान बरामद भएको छ ।
यस सम्बन्धमा प्रहरी वृत्त बौद्धबाट आवश्यक अनुसन्धान भइरहेको प्रहरीले जनाएको छ ।
युनिकोड
मिति रूपान्तरण
ग्लोबल आवाज
प्रतिक्रिया