रचना रिमालले जन्मदिनमा सार्वजनिक गरिन तीज गीत, आफूसँगै बहिनी पनि अभिनयमा (भिडियोसहित)

बुटवल । चर्चित गायिका रचना रिमाल आज सोमवार आफ्नो जन्मदिन मनाइरहेकी छन् । सानो उमेर र छोटो समयमै साङ्गीतिक क्षेत्रमा स्थापित गायिका रिमालले जन्मदिनको अवसर पारेर तीज गीत सार्वजनिक गरेकी छन् ।

‘तीजको सम्झना’बोलको गीतमा रचनाको एकल स्वर छ । दीपक शर्माको शब्द एवं संगीत रहेको गीतलाई पुरुषोत्तम सुवेदीले संगीत संयोजन गरेका हुन् । यो गीतको भिडियो रचना स्वयंमले नृत्य गरेकी छन् ।

उनले आफ्नी बहिनी पूर्णिमा रिमाललाई समेत यस गीतको भिडियोमा नृत्य गराएकी छिन् । साथै, अनुपा विष्टलगायतको नृत्य भिडियोमा हेर्न सकिन्छ । विक्रम चौहानको निर्देशन रहेको भिडियोलाई प्रकाश खड्काले छायांकन, मिलन विश्वकर्माले कलर एवं सम्पादन गरेका हुन् । यो गीत रचनाको आफ्नै अफिसियल युट्युब च्यानलमा हेर्न सकिन्छ ।