गुल्मी । बाग्लुङ्गको खाला बजारमा रहेको एक होटलमा प्रहरी अधिकृत मृत अवस्थामा फेला परेका छन् । बडिगाड गाउँपालिका वडा नम्बर–७ मा रहेको भिमगिठे प्रहरी चौकीका प्रमुख वरिष्ठ प्रहरी सहायक निरीक्षक उज्ज्वल पौडेलको शव वडा नम्बर–६ खालको आशा होटल एण्ड खाजा घरमा फेला परेको हो ।
घटना स्थलमा बागलुङ्गका प्रहरी प्रमुख एसपी योगेन्द्र खड्काको नेतृत्वमा प्रहरी टोली घट्नास्थल पुगेर शिल्ड गरी अनुसन्धान अघि बढाएको बडिगाड गाउँपालिका उपाध्यक्ष भिमसेन वनले जानकारी दिए । ‘घटना बारे हामीलाई थाह भएको गएराती साढे १२ बजेतिर हो ।’–उपाध्यक्ष वनले भने, होटलमा घटना भएको सायद ८ बजेतिर हुनुपर्छ । उनले शव होटल कोठाको भुइँमा लडेको अवस्थामा टाढैबाट देखिने रहेको बताए । होटेलमा संचालक महिला र छोरा बस्ने गरेको वनको भनाइछ । घटना रहस्यमय रहेको बताइएको छ ।
युनिकोड
मिति रूपान्तरण
ग्लोबल आवाज
प्रतिक्रिया