बविना भट्टराईको ‘तिमी नमर्नु है’ गीत सार्वजनिक

काठमाडौं । बविना भट्टराईको स्वर तथा संगीतमा रहेको ‘तिमी नमर्नु है’ आधुनिक गीत सार्वजनिक भएको छ ।

रामदेव पाण्डेको शब्द रचनामा गीत तयार गरिएको हो ।सञ्जय श्रीपालको एरेन्ज, मिक्सिङ, मास्टरिङ रहेको गीतलाई मुर्चुङ्गा स्टुडियोमा रेकडिङ गरिएको हो ।

गीतलाई गायिका बविनाको युटुव च्यानल मार्फत हेर्न सकिन्छ । जीवनमा आइपर्ने हरेक अप्ठयाराहरुलाई सहजरुपमा लिई एकपटक पाइने अमूल्य जीवनलाई सार्थक बनाउन सकिने उद्घोष रचनाकार पाण्डेको छ ।

प्रेम र विछोडलाई भावनात्मक रुपमा चित्रण गरेर गीतमा प्रस्तुत गरिएको छ। गीतमा मिलन र बिछोडमा हुने मानवीय कृयाकलापलाई उजागर गरिएको छ । माया प्रेममा परेका प्रेमिल जोडीहरु विछोडिदा अप्रिय घटनाहरु भैरहेका घटनालाई गीतमा चित्रण गरिएको छ ।

बुद्ध थापाकोे छायाँकन, सरोज रञ्जितकारको सम्पादन तथा केशव भट्टले निर्देशन भिडियोमा गरेका छन्। गीतको भिडियोमा बविनालाई देख्न सकिन्छ ।