पछिल्लो ३ घण्टादेखि रुपन्देहीसहित यी स्थानमा लगातार वर्षा : आकस्मिक बाढीको जोखिम

बुटवल । हाल देशमा मनसुनी वायुको प्रभाव रहेका कारण धेरै स्थानमा वर्षा भैरहेको छ । रुपन्देहीसहित आसपासका जिल्लाहरुमा रहेका खहरे खोला तथा राजमार्गमा यात्रागर्दा आजवश्यक सुरक्षा सजगता अपनाउन नेपाल बाढी सुचनाले सचेत गराएको छ ।

विहान ५.३० मा जारी सुचनामा पछिल्लो ३ घण्टामा तनहूँ, नवलपरासी बर्दघाट सुस्ता पूर्व, नवलपरासी बर्दघाट सुस्ता पश्चिम, रूपन्देही, कपिलवस्तु, पाल्पा र आसपास भारी बर्षा भएको जनाएको छ । यसैगरी नवलपुर र आसपास भई बहने बिनयखोला लगायत अन्य स-सना खहरे खोलामा आकस्मिक बाढीको जोखिम रहेको जनाएको छ । पूर्व पश्चिम राजमार्गमा यात्रा गर्दा उच्च सतर्कता अपनाउन सुचनामा आग्रह गरिएको छ । 

यसैगरी शनिबार देशभर आंशिकदेखि सामान्य बदली  रही गण्डकी र लुम्बिनी  प्रदेशका केही स्थानहरूमा र बाँकी प्रदेशका थोरै स्थानहरूमा हल्कादेखि मध्यम वर्षा भइरहेको मौसम पूर्वानुमान महाशाखादे जनाएको छ ।

शनिबार देशभर सामान्यदेखि पूर्णतया बदली रहनेछ। गण्डकी, लुम्बिनी , कर्णाली र सुदूरपश्चिम प्रदेशका धेरै स्थानहरू तथा  बाँकी प्रदेशका केही स्थानहरूमा हल्का देखि मध्यम वर्षाको सम्भावना रहेको छ। साथै  गण्डकी , लुम्बिनी र सुदूरपश्चिम प्रदेशका एक/दुई स्थानमा मेघगर्जन र चट्याङसहित भारी वर्षाको समेत सम्भावना रहेको छ। गण्डकी, लुम्बिनी र सुदूरपश्चिम प्रदेशका तराईका धेरै तथा बाँकी प्रदेशका तराईका थोरै स्थानहरूमा हावा हुरीको समेत सम्भावना रहेको छ।