वनवाटिकाको जुरासिक पार्कमा अवलोकनकर्ताको चहलपहल बढ्दो

बुटवल । रूपन्देहीको वनवाटिकाभित्र रहेको जुरासिक पार्कमा अवलोकनकर्ताको चहलपहल बढ्दो छ । शंकरनगर वन बिहार तथा अनुसन्धान केन्द्र (वनवाटिका) को मुखैमा रहेको सो पार्कमा अन्य दिनको तुलनामा शनिबार चहलपहल बढ्ने गरेको हो । तिलोत्तमा नगरपालिकाको वाड नम्बर १ र २ मा पर्ने यस वाटिकामा शनिबारको दिन करिब २ हजार जना अवलोकनकर्ता वनवाटिकामा आउने गरेको वाटिका उपाध्यक्ष खिमलाल पाण्डेले बताए । शनिबार बाहेक अन्य दिनमा पनि करिब १ हजारको संख्यामा विभिन्न ठाउँबाट यहाँ आउने गरेको उपाध्यक्ष पाण्डेको भनाइ छ ।

यस पार्कभित्र डाइनोसर , बाघ , हात्ती , जिराफ , उँट , गैँडा , वनमान्छे , पाटेघोँडा जस्ता आकर्षक जनावर ९डमी० रहेका छन् । साथै यहाँ आकर्षक बगैंचा पनि छ , जसले गर्दा जुरासिक पार्क अझ मनमोहक बनेको छ ।

वाटिकाकै आन्तरिक स्रोत रू तीस लाखको लागतमा सो पार्क निर्माण गरिएको अध्यक्ष बेलप्रसाद शर्माले बताए । गत वर्षबाट सुरू भएको जुरासिक पार्क करिब तीन कट्ठा क्षेत्रफलमा फैलिएको छ । वनवाटिकाको मुखैमा रहेको यस पार्कमा घुम्न आएकाहरू फोटो खिच्न , टिकटक बनाउन रूचाउँछन् । बच्चादेखि वृद्ध(वृद्धाहरू यहाँ आएर रमाउने गरेको अध्यक्ष शर्माको भनाइ छ । साथै यसको नजिकै बहुउद्देश्यीय भ्यु टावर पनि रहेकाले यो पार्कमा अझ मानिसहरूको आकर्षण बढेको वाटिकका सचिव फर्सुराम भण्डारीले बताए ।

करिब दुई बिगाहा क्षेत्रफलमा फैलिएको पुष्पलाल पार्कभित्र रहेको यो पार्क छायाँदत्त पार्कको पर्याय हो । २०७१ सालमा तिलोत्तमा नगरपालिकाका प्रमुख बासुदेव घिमिरेले आफ्नो बुवा छायाँदत्त घिमिरेको स्मृतिमा निर्माण गरेका हुन् । गतवर्षबाट यो जुरासिक पार्कको रूपमा अघि बढेको हो । यसले वाटिकाको आम्दानीमा उल्लेख्य वृद्धि भएको छ । यहाँ रूपन्देहीभित्रका साथै विभिन्न छिमेकी जिल्लाबाट पनि हेर्न र घुम्न आउने सचिव भण्डारीले बताए ।

जुरासिक पार्कमा भेटिएकी सैनामैना नगरपालिका ३ मुर्गियाकी यमुना थापा मगर परिवारसँग घुम्न आएको बताइन् । यहाँ धेरै रमाइलोको अनुभूति भएको बताइन् । त्यस्तै बुटवल उपमहानगरपालिकाकि कोपिला र कृष्ण गिरी पनि जुरासिक पार्कमा घुम्न आएको बताए । पहिले पनि आएको तर वाटिका फेरि धेरै आकर्षक बनेको छ भन्ने सुनेका कारण उनीहरू यहाँ आएको बताए ।

समग्र वनवाटिकाको लागि विष्णु पौडेल अर्थ मन्त्री हुँदा संघीय सरकारबाट रू ४ लाख ५५ हजार बजेट परेको तर हालसम्म सबै रकम प्राप्त नभएको सचिव भण्डारीले जानकारी दिए । साथै तिलोत्तमा नगरपालिकाबाट २ करोड ४५ लाख रकम प्राप्त भएको उनले बताए ।

तिलोत्तमा नगरपालिका वाड नम्बर १ र २ अन्तर्गतको शंकरनगर सामुदायिक वन उपभोक्ता समूहको ५७६ हेक्टर क्षेत्रफलमध्ये यसले ५१।३४ क्षेत्रफल वनवाटिकाले ओगटेको छ । २०६२ सालमा शंकरनगर सामुदायिक वन उपभोक्ता समूहका अध्यक्ष उमानाथ कंडेलको पहल र सकृयतामा सुरू भएको यस वाटिका सुरूवात भन्दा आकाश जमिनको भिन्नता छ ।

शंकरनगर वनविहार तथा अनुसन्धान केन्द्र वनवाटिका काममा हाल धेरै चिज मुख्य आकर्षणका रूपमा रहेका छन् । गतवर्ष मात्रै नेपाल सरकारले मुलुकभरका सय पर्यटकीय क्षेत्रमध्ये यसलाई पनि समावेश गरेसँगै संघीय सरकारले पनि थप लगानी गर्ने यहाँका नागरिकको अपेक्षा छ ।

जंगली जनावर र चराचुरूङ्गी गरी हाल विभिन्न २१ प्रजातिका जनावरहरू यहाँ रहेका छन् । यस मनोरञ्जनात्मक वाटिकामा गत चैत्र महिनामा मात्रै आकर्षक बहुउद्देश्यीय भ्यू टावरको उदघाटन भएको छ । यसले पनि वनवाटिकालाई थप आकर्षक प्रदान गरेको छ । यहाँ रेल, शहीद पार्क, पुष्पलाल पार्क विपि पार्कजस्ता छ वटा पार्क, चिल्ड्रेन पार्क रहेका छन् ।