१४ औं लियो कर्पोरेट सुपर सिक्स प्रतियोगिता शनिबार

भैरहवा । लियो क्लब अफ सिद्धार्थनगरको आयोजनामा कर्पोरेट हाउसहरु बीच १४औं लियो कर्पोरेट सुपर सिक्स प्रतियोगिता शनिबार भैरहवामा आयोजना हुँदैछ । लियो क्लब अफ सिद्धार्थनगरको आयोजनामा हुने प्रतियोगितामा भैरहवाका १२ वटा बिभिन्न बैंकहरुले सहभागीत जनाउँदै छन् ।

कार्यक्रमबारे जानकारी दिने उद्देश्यले बिहिबार भैरहवामा पत्रकार सम्मेलन गरि आयोजकले गत बर्षहरु झै कर्पोरेट हाउसहरु बिच आपसी भाईचारा स्थापित गर्दै सम्बन्ध मजबुद बनाउन प्रतियोगितालाई निरन्तरता दिएको बताए । क्लबका पूर्व अध्यक्ष अरुण पन्थीले सुपर सिक्स बिधिबाट खेलाईने प्रतियोगिताको सम्पूर्ण तयारी पुरा भएको बताए । सिद्धार्थ रंगशालामा हुने प्रतियोगितामा बिजुली जडान गरि रात्रीकालीन क्रिकेट खेलको आयोजना समेत गर्ने पन्थीले जानकारी दिए । “एक दिनमै प्रतियोगिता सम्पन्न गर्ने चाप रहेको हुदा यसलाई डे÷नाईट प्रतियोगितको रुपमा खेलाईदै छ ।” पन्थीले बताए ।

प्रतियोगितामा बिजेतालाई २० हजार तथा उप बिजेता टिमलाई १० हजार नगद पुरस्कारको साथै प्रत्येक मैचमा मैन अफ द मैच, मैन अफ द सिरिज, बेस्ट ब्याट्स म्यान, बेस्ट बलर, बेसट फिल्डर, अनुशासित टिमको रुपमा पुरस्कृत गरिने क्लबका पूर्व अध्यक्ष शार्दुल मयुर कसौधनले बताए । प्रतियोगितामा रुपन्देही क्रिकेट एसोसिएसनको प्राविधिक सहयोग रहने कसौधनले जानकारी दिए ।

लुम्बिनी जनरल ईन्सुरेन्स मूख्य प्रायोजक रहेको प्रतियोगितामा एनएमबी बैंक, लक्ष्मी बैंक, सानीमा बैंक, नबिल बैंक, मुक्तिनाथ बिकास बैंक, महालक्ष्मी बिकास बैंक, शाईन रेसुङ्गा बैंक, सिद्धार्थ बैंक लिमिटेड, नेपाल एसबिआई बैंक लिमिटेड, आईसिएफसी फाईनान्स, लुम्बिनी बिकास बैंक र कुमारी बैंकले सहभागीत जनाउने कार्यक्रम संयोजक मनिष ढकालले बताए । लियो क्लब अफ सिद्धार्थनगरको अध्यक्ष सतिष भुषालको अध्यक्षतामा पत्रकार सम्मेलन सम्पन्न भएको थियो ।