काठमाडौँ । सत्ता गठबन्धनका शीर्ष नेताहरुको बैठक प्रधानमन्त्रीको सरकारी निवास बालुवाटारमा बसिरहेको छ । केहीबेर अघिबाट जारी बैठकमा पाँच दलका शीर्ष नेतासहित सिट बाँडफाँटका लागि गठित कार्यदलका सदस्यहरु पनि सहभागी छन् ।
बैठकमा आसन्न निर्वाचनका लागि सिट बाँडफाँट कार्यदलको प्रस्तावमाथि छलफल भैरहेको छ । कार्यदलले मात्र खाका तयार पार्न नसकेपछि शीर्ष नेताहरू नै छलफलमा जुटेका हुन् । कार्यदलको बुधबारको बैठकले शीर्ष नेताहरूबीचको छलफलबाट सिटबारे टुंगो लगाउने निर्णय गरेको थियो ।कार्यदलले स्थानीय तहको निर्वाचन मोडेल, २०७४ मा पाएको सिट संख्याको मोडेल लगायत मोडल प्रस्ताव गरेको छ ।
साथै बैठकमा राष्ट्रपतिले फिर्ता गरेको नागरिकता विधेयकमाथि पनि छलफल हुने बताइएकाे छ । बिहीबार प्रतिनिधिसभाको बैठकमा गृहमन्त्री बालकृष्ण खाँणले फिर्ता पठाएको विधेयक हुबहु पेस गर्ने र पास गर्ने सरकारको तयारी छ ।
युनिकोड
मिति रूपान्तरण
ग्लोबल आवाज
प्रतिक्रिया