भैरहवा । सरकारले पेट्रोलियम पदार्थमा गरेको मुल्यवृद्धीको बिरोधमा अनेरास्ववियु रुपन्देहीले २ घण्टा चक्काजाम गरेको छ । अनेरास्ववियु भैरहवा बहुमुखी क्याम्पस कमिटीले २ घण्टा क्याम्पस अगाडि चक्काजाम गरेको हो ।
बिहानदेखि १० बजेसम्म चक्काजाम गरिएको अनेरास्ववियुका केन्द्रिय सदस्य सरोज ठकुरीले जानकारी दिए । उनले सरकारले पेट्रोलियम पदार्थ लगायत अन्य घरायसी समानमा अचाक्ली मुल्यवृद्धी भएकोले त्यसको बिरोधमा चक्काजाम आयोजना गरेको बताए । सरकारले मुल्यवृद्धी तत्काल फिर्ता नगरे अनेरास्ववियुले आन्दोलन थप चर्काउने ठकुरीले जनाए ।
चक्काजामका कारण भैरहवा-परासी सडक खण्ड प्रभावित भएको थियो । चक्काजाम कार्यालय समयमा परेको कारण अधिकांस कर्मचारी र बिद्यार्थीहरु समयमै गन्तब्यसम्म पुग्न समस्या भएको थियो । बन्द खुलेपछि भने जनजिवन सामान्य बनेको छ ।
युनिकोड
मिति रूपान्तरण
राधेश्याम विश्वकर्मा
प्रतिक्रिया