सिद्धार्थ कटेज बुटवलमा होली विशेष कार्यक्रम हुने: ‘संगीत,अबिर र परिकार एकै ठाउँमा’

बुटवल । ‘हस्पिटालिटी फरम द हर्ट’ भन्ने मूल नारासहित सिद्धार्थ गु्रपद्वारा सञ्चालित सिद्धार्थ कटेज बुटवलले फागुपूर्णिमाको अवसरमा होली विशेष कार्यक्रम गर्ने जनाएको छ । मिलनचोकस्थित सिद्धार्थ कटेजले फागुन ४ गते शुक्रबार तराइमा परेको होलीको अवसरमा विशेष सांगीतिक कार्यक्रमको आयोजना गर्ने शाखाका म्यानेजर केशव बस्यालले बताए ।

उनले भने ‘ हामीले विभिन्न पर्वमा नियमित संस्कृतिअनुसारको विशेष कार्यक्रम गर्दै आएका छौं । आगामी होलीको अवसरमा पनि विशेष सांगीतिक माहौलका बीच ग्राहकहरुसँग होली मनाउँदै छौं । संगीतमा रमाउँदै, अबिर लगाउँदै,सिद्धार्थका परिकार खाँदै होली मनाउने योजना अनुसार कार्यक्रमको आयोजना गरिएको छ ।’

शुक्रबार साँझ ५ बजेदेखि १० बजेसम्म चल्ने कार्यक्रममा ३ सय ग्राहकको सहभागिता रहने अपेक्षा गरिएको कटेजका प्रमुख सेफ केशव अर्यालले बताए । उनले भने ‘शुक्रबार पर्व र शनिबार विदा भएको हुनाले पनि सांगीतिक कार्यक्रम आयोजना गरिएको हो । बिदाका कारण खुलेर अबेरसम्म रमाउन मिल्ने हुँदा हामीले ३ सय ग्राहकको सहभागिता रहने अपेक्षा गरेका छौं।’

कार्यक्रममा साइन ब्याण्डका बिपिन खत्री र अजित सिंह, स्थानीय लोक गायक,गायिका लगाएतको सांगीतिक प्रस्तुती रहेने उनले बताए । कार्यक्रममा खानाका परिकारहरु भने कटेजका नियमितकै रहने उनको भनाई छ ।