थप १०५ जनामा कोरोना संक्रमण, ३ जनाको मृत्यु

बुटवल । देशभर थप १०५ जनामा कोरोना भाइरसको संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार बिहीबार थप १०५ जनामा संक्रमण पुष्टि भएको हो।

पछिल्लो २४ घण्टामा ४ हजार ९२४ जनाको कोरोना परीक्षण गर्दा सो संख्यामा संक्रमण पुष्टि भएको हो। २ हजार ४४८ जनाको पिसिआर गर्दा ७० र २ हजार ४७६ जनाको एन्टिजेन परीक्षण गर्दा ३५ जनामा संक्रमण पुष्टि भएको हो।

यसको संक्रमणबाट थप ३ जनाको मृत्यु भएको छ। हाल देशभर ७ हजार ५१७ जना सक्रिय संक्रमित छन्। ३२० जना संक्रमणबाट निको भएका छन्।