भैरहवा । पुस अन्तिम साताबाट हुने प्रधानमन्त्री कपका लागि लुम्बिनी प्रदेशस्तरीय टीम छनौट खेल भैरहवास्थित सिद्धार्थ रंगशालामा भई रहेको छ । शनिबार सम्पन्न छनौट खेलमा कपिलवस्तुले पश्चिम नवलपरासीलाई पराजित गरेको छ । कपिलवस्तुले नवलपरासीलाई १० रनले पराजित गरेको हो ।
टस हारेर ब्याटिङको निम्तो पाएको नवलपरासीले निर्धारित ४० ओभरमा ३४ दशमलव ५ ओभर खेल्दै सबै विकेट गुमाएर १ सय १३ रन बनायो । उसका लागि करण विकले अविजित २५ र दिलशाद अलीले १२ रन बनाए । बलिङमा कपिलवस्तुका शिवकुमार मौर्य र राज अग्रहरीले समान ३–३ विकेट लिए ।
जवाफी ब्याटिङ गरेको कपिलवस्तुले ३५ दशमलव ४ ओभरमा सबै विकेट गुमाएर १ सय ३ रनमै समेटियो । उसका लागि आकाश त्रिपाठीले २७ र शिवकुमार मौर्यले २० रन जोडे पनि अन्य ब्याट्सम्यानले दोहोरो अंक जोड्न सकेनन् । बलिङमा नवलपरासीका जितेन्द्र साहनी र विजय लोहारले समान ३–३ तथा इकलाख अहमद र करण विकले समान २–२ विकेट लिए । करण विक म्यान अफ द म्याच भए । आइतबार बर्दिया र कपिलवस्तुबीच प्रतिस्पर्धा हुनेछ । शनिबारको खेल मौसमका कारण ५० ओभरबाट ४० ओभरमा झारिएको थियो ।
पुस अन्तिम साताबाट हुने प्रधानमन्त्री कपका लागि लुम्बिनी प्रदेशस्तरी टीम बनाउनका लागि छनोट खेल भइरहको हो । छनोट खेल पुस २१ गतेसम्म चल्नेछ भने ७ जिल्ला सहभागी छन् । प्रादेशिक क्रिकेट संघ लुम्बिनी प्रदेशको आयोजनामा खेल भइरहेको हो ।
युनिकोड
मिति रूपान्तरण
राधेश्याम विश्वकर्मा
प्रतिक्रिया