रोटरीमा रानाको साहित्य

माघ १२,
बुटवल । रोटरी क्लव अफ बुटवलको १२४४औ नियमित बैठक वरिष्ठ साहित्यकार बुद रानाको प्रमुख आतिथ्यतामा रोटरी सचिवालय बुटवलमा शनिवार सम्पन्न भयो ।
वरिष्ठ सहित्यकार बुुद रानाले गजल मार्फत राजनितिक चाकडीवादलाई निम्न पंक्तिमा प्रकाश पारे ।
यहाँ भक्तहरुले, अति गर्न थाले।
जलाई घेरै, आरती गर्न थाले ।।
राजनीतिक दलहरुमा राम्रो काम गर्ने र सत्य बोल्नेलाई पाखा लगाउने परिपाटी रहेको बताउँदै त्यसले राजनीतिक नेतृत्वलाई सहि दिशा निर्देश गर्न नसक्ने भन्दै चिन्ता गरे । उनले झण्डै आधा दर्जन गजल बाचन गरेका थिए । कार्यक्रमा रोटरी इन्टरनेश्नल डिष्ट्क्टि कन्फ्रेन्स चियर डाः आर.सी. आचार्यले बुटवलमा फागुन १० गतेदेखि हुन लागेको सम्मेलनको तयारीको बारेमा जानकारी गराएका थिए । उनले सम्मेलनको तयारी तिव्र पारिएको बताउदै सहयोगी भूमिकामा रहिरहन रोटरी क्लबहरुलाई आग्रह गरे ।

बैठकमा लक्ष्मण श्रेष्ठ, बोनिन पिया, नविन विष्ट, बावुकाजी शाक्य, लोकनाथ भूसाल, मदन विष्ट, डा पवन श्रेष्ठ र आमोद सिंमंगैडाको हर्ष वढाई गरिएको सचिव दयानिधी भण्डारीले जानकारी दिए । क्लबका अध्यक्ष डा. नारायण प्रसाद पन्थको अध्यक्षता, लिट्ेसी चियर मधुप्रसाद अर्यालको स्वागतमा भएको वैठकमा रोटरीयन श्रीकृष्ण पोखरेलले धन्यवाद ज्ञापन गरेका थिए ।