असार २४,
काठमाण्डौं । सिंहदरवारमा बसेको मन्त्रिपरिषद् बैठक सकिएको छ । नियमित सरुवा, बढुवा तथा केही विधेयकका विषयमा छलफल गरेर बैठक सकिएको हो । सिंहदरवारमा बसेको बैठकपछि संचारकर्मीसँग कुरा गर्दै सरकारका प्रवक्ता एवं सञ्चार तथा सूचना प्रविधिमन्त्री गोकुलप्रसाद बाँस्कोटाले तरकारीको विषादी चेकजाँच आफ्नै तयारी पुरा नभएर स्थगित गरिएको जानकारी दिए।
उनले विषादी परीक्षण गर्ने सरकारको निर्णय फिर्ता लिने विषय कसैको पत्रका कारण नभएको पनि प्रष्ट पारे । ‘हाम्रो व्यवस्थापनचाहिँ मूल कुरा हो। सरकार–सरकारका आ–आफ्नो चासोको बीचमा पत्र आउने–जाने हुन सक्छन्। त्यसलाई हामीलाई अन्यथा लिनुहुँदैनु’, उनले भने ,‘होहल्ला मच्चाउनुपर्दैन, नागरिकको अधिकार र हाम्रो क्षमतालाई सँगै जोडेर लैजानुपर्छ।’
निर्णय गरिसकेपछि मात्रै क्षमता थाहा भएको कुरालाई मन्त्री बास्कोटाले ‘इरर’ भएको प्रतिक्रिया दिए । मन्त्रिपरिषद् हेरफेरका विषयमा सोधिएको प्रश्नमा उनले त्यो कुरा प्रधानमन्त्रीको नितान्त विशेषाधिकार भएको दोहोर्याए । के आज प्रधानमन्त्रीले त्यो विशेषाधिकार प्रयोग गर्नुभयो त ? भन्ने पत्रकारको प्रश्नमा प्रवक्ताले भने , ‘तपाईंहरु कुहिरीमण्डलमा हुनुहुन्छ र ?’ सामान्यतया मन्त्रिपरिषद् हेरफेर प्रधानमन्त्रीको एकल निर्णय हुन्छ । मन्त्री हेरफेरको विषयमा मन्त्रिपरिषद्मा छलफल नै हुदैन । त्यत्ति सामान्य विषय पनि पत्रकारले थाहा नपाउदा संचारमन्त्रीले सो जवाफ दिएको हो ।
युनिकोड
मिति रूपान्तरण
ग्लोबल आवाज
प्रतिक्रिया